المسابقه الكبري..ابدع واربح

لطيف

السلام عليكم ياأحلي واجمل ناس

وكل سنه والجميع بألف خير وسعاده

أنا عامل مسابقه بيننا نحن اعضاء المنتدي وهي عباره عن ..

كتابه قصه..أو موضوع..أو مشكله وحلها ..أو حكاية ظريفه حصلت لك أو لاحد اصدقائك

أو أي شئ تبدع انت شخصيا فيه ..يعني لو عندك ملكة الشعر والخواطر ماشي برضه

...يتم كتابه الموضوع وارساله لي علي الخاص(المسابقه مفتوحه للكل اعضاء ..مشرفين..اداره)

...عندما يتجمع عندي مجموعه من اعمالكم سوف اعرضها بدون الاسماء

...يتم الاستفتاء بيننا نحن الاعضاء علي اجمل عمل او موضوع

...أعلان النتيجه واسم الفائز

...الفائز الاول يحصل علي 50 جنيه

...الفائز الثاني يحصل علي 30 جنيه

...الفائز الثالث يحصل علي 20 جنيه

...لو حصل عملين علي عدد اصوات متساويه سيكون الاول والاول مكرر ولكل منهما 50 جنيه وهكذا بالنسبه للثاني والثالث

الشروط والقواعد
----------------

العمل يكون من ابداعك الشخصي ويحذر نقل مواضيع...لو سمحتوا عملك شخصيا وبأي اسلوب

العمل المنقول سيتم حذفه فورا

سوف استلم عملك علي الخاص وليس عام..حتي اعرضه بدون الاسم للاستفتاء بين الاعضاء

امامكم مهله حتي الشهر القادم ..يعني يوم 6 أكتوبر(ذكري نصر اكتوبر) سأقوم بعرض الاعمال التي تصلني مره واحده

طريقه دفع الجوائز
------------------

ارسال كارت شحن بالمبلغ

أو

اللي عايز حقه ناشف يبعت لي علي الخاص البيانات بتاعته

وسأرسلها له حتي أقرب فرع بنك بجواره..مفيش راحه اكتر من كده demagh(30).gif

الخلاصه
-------

يالا ياشباب الهمه معانا وعايز اسمع دوشه في المنتدي وعايزكم تتعبوني جامد وتجروني في البنوك

والله علي قلبي زي العسل

مشكورين ياحبايبي

mððñlïght §ÖñÄtÄ

و عليكم السلام و رحمة الله و بركاته..

و كل سنة و انت بألف خير ..يا رب demagh(73).gif

و الله حركة المسابقة جميلة جدا يا لطيف

و ان شاء الله تحرك المنتدى أكثر..

و بتحسسنا باهتمامك الكبير.. أكثر من الوصف

و بجد تسلم ايديك.. demagh(3232).gif

و ربنا يوفقك دائما لفعل الخير

أما عن المشاركة.. مش عارفة صراحة .. أنا المشكلة انه ما عندي مواهب أدبية أبدا.. مواهب فنية أو علمية بس و الحمد لله demagh(75).gif

بس بحاول..ان شاء الله.. حتى أكون من المتفاعلين.. في موضوعك الرائع

LOLITTA

اولا كل سنه وانت طيب يا لطيف
ثانيا فكرة المسابقه دى تحفه
عجبتنى جدا
وان شاء الله حتحرك المواهب الادبيه
عند كتير من الاعضاء
وانا واحده منهم ان شاء الله
وطبعا حشترك فى المسابقه
بس عندى اقتراح "بعد اذنك"
ليه متخليش الاستفتاء على المواضيع
مسبب يعنى كل واحد يقول هو اختار الموضوع ده ليه
حاجه كده زى النقد
علشان ميبقاش الموضوع مجرد مسابقه وجوايز وبس
انما يبقى فيه استفاده وكل واحد يحاول بعد كده
يصلح من نفسه ويطور موهبته
ميرسى على الفكره وان شاء الله اشترك معاكوا

mahmoud kamel2010

والله يا لطيف مشكوووور جداا
و ربنا يسهل مع انى مش حلو اوى فى حوار الشعر و القصص
بس ربنا ييسر الحال
تحياااتى

لطيف

يارا...

اشتركي بأي موهبه لكِ ...واهي كلها استفاده ..كلنا بنستفيد من بعض..

علياء...

الاستفتاء هيكون علني ..يعني كل عضو يختار العمل ويقول اختاره ليه؟

وكلنا هنقرأ التعليق لكل عضو..

محمود..

مش شرط موهبة الشعر والقصص..تكلم في عرض اي مشكله عموما وطريقة

حلها ..ماشاء الله دا أنت انسان مفوه واستفدنا منك كتير ..يالا بلاش كسل demagh(30).gif

أرجوكم ياجماعة الخير ...عايزين ننمي مهارتنا في الكتابه ولايوجد اي حرج

أكتب وهتلاقي ربنا فتحها عليك....اكتب بأي اسلوب يعجبك ..مفيش حرج

منتظركم جميعا ياحلي اعضاء

somasa

وعليكم السلام ورحمه الله وبركاته

لطيف باشا

ازيك يا باشا نورت والله بعد غيابك عننا شوية

موضوع جميل يا لطيف وفكرة مميزة والله

بس صعبان عليا انت والله هتدفع الفلوس دى كلها ازاى

موضوع رائع والله

وانا معاكو ان شاء الله فى المشاركة لانى بحب الشعر وبكتب شعر

بس اقترح عدد 2 متسابقين اخدو نفس المستورى تقسم الجائزة

مناصفة بينهما .. واهو اوفر شوية .. demagh(30).gif

وبالتوفيق للجميع يارب

تحياتى يا باشا ليك وللموضوع

somasa
7/9/2008

رحــــــــــال !!

فـ البداية وقبل كل حاجة ..
أحييك يالطيف علي الفكرة الرائعة دي ..

وأتمني التوفيق للجميع وليك فيها ..

وهــي محتاجة الواحد يكون عنده موهبة فـ الحاجات الكتير اللي انت قلت عليها .. أو في حاجة منها ..

إحــم ..

ربنا يسهل ونقدر نحاول ..

صمت الكلمااااااات

لطيف

ليه التبذير ده .. دا احنا كده هنفلسك demagh(40).gif

يلا بقى إنت اللى قولت demagh(30).gif

فكرتك رائعة والله يالطيف وجديدة

وياريت الكل يشارك فيها .. واهى خطوة نحو التقدم

تسلم كتير .. وكل التوفيق ليك إن شاء الله .

لطيف

سموره
-------

مش عايز اوفر ياقمر demagh(30).gif

...فرحتي يوم ماالكل يشارك ويتفاعل

وطبعا منتظر اشعارك الرقيقه ....أوعي تتأخري

حسين باشا
------------

ربنا يخليك يارب علي الكلمتين الحلوين بتوعك ..

بعتبرهم وسام علي صدري...

نفسي بأه في أي شئ منك انت بالذات demagh(30).gif

أوعي تكسفني

رانيا
----

أولا منوره يارانيا والله وبحب اشوف اسمك منور دائما

ثانيا جيب السبع عمران demagh(50).gif

وفرحتي الكبيييييييييييييييييييره لو شفت

مشاركه منك..

هييه ...قولتي ايه؟

yasser-atrees

لطيف .... نحو مستقبل أفضل

فكرة رائعه جدآ ومبادرة جميلة منك بل رائعه جدآ .

بصراحة ليس لدى ماأقولة لك لكى أشكرك على هذه المبادرة منك بالنهوض بدماغ

وانا عن نفسى سأترك الخبز لخبازة وبالتوفيق للجميع